თუ სამედიცინო დაწესებულებას არ აქვს სისხლში ეთანოლის შემცველობის დადგენის შესაძლებლობა, მის დასადგენად აღებული სისხლი ეგზავნება სათანადო საექსპერტო დაწესებულებას. ამ შემთხვევაში სისხლის აღების, შენახვისა და სათანადო საექსპერტო დაწესებულებისათვის გადაგზავნის წესები და ვადები განისაზღვრება საქართველოს შინაგან საქმეთა მინისტრისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ერთობლივი ბრძანებით.

მათივე ბრძანებით განისაზღვრება იმ სამედიცინო/საექსპერტო დაწესებულებათა ნუსხა, რომელთაც აქვთ კლინიკურ-ლაბორატორიული შემოწმების ან/და სისხლში ეთანოლის შემცველობის დადგენის უფლება, აგრეთვე იმ სამედიცინო დაწესებულებათა ნუსხა, რომელთაც აქვთ მხოლოდ სისხლის აღების უფლება. თუ კლინიკურ-ლაბორატორიული შემოწმების შედეგად მძღოლს არ დაუდგინდა ალკოჰოლური სიმთვრალის მდგომარეობა, იგი განთავისუფლდება ადმინისტრაციული სახდელისაგან. მძღოლს უფლება აქვს, საქართველოს კანონმდებლობით დადგენილი წესით მოითხოვოს მისთვის მიყენებული ზიანის ანაზღაურება.

საქართველოს კანონმდებლობა ითვალისიწინებს ადმინისტრაციულ პასუხისმგებლობას, როდესაც სატრანსპორტო საშუალებას მართავს ალკოჰოლური სიმთვრალის მდგომარეობაში მყოფი პირი, ან სატრანსპორტო საშუალების მართვისას საქართველოს კანონმდებლობით დადგენილი წესით ალკოჰოლური სიმთვრალის დასადგენად შემოწმებას თავის არიდებს მძღოლი.

აღნიშნული ქმედებების ჩადენა გამოიწვევს:

ა) სატრანსპორტო საშუალების მართვის უფლების 6 თვით შეჩერებას;

ბ) ხოლო თუ მძღოლი 18 წლის ასაკს მიუღწეველი პირია − სატრანსპორტო საშუალების მართვის უფლების 1 წლით შეჩერებას.

ადმინისტრაციულ სამართალდარღვევათა კოდექსის 116-ე მუხლი ასევე განსაზღვრავს იმ პირის პასუხისმგებლობას, ვინც მართავს მოპედს ალკოჰოლური სიმთვრალის მდგომარეობაში, ან მოპედის მართვისას საქართველოს კანონმდებლობით დადგენილი წესით ალკოჰოლური სიმთვრალის დასადგენად შემოწმებას აარიდებს თავს, აღნიშნული ქმდებები გამოიწვევს მძღოლის დაჯარიმებას 150 ლარის ოდენობით.

ზემოთ ჩამოთვლილი ქმდებების განმეორებით ჩადენა, რისთვისაც პირი ერთხელ უკვე იყო დაჯარიმებული,გამოიწვევს მის ხელახლა დაჯარიმებას 700 ლარის ოდენობით და ამავე დროს, სატრანსპორტო საშუალების მართვის უფლების შეჩერების ვადის 1 წლით გაზრდას.

პირი, რომელიც სატრანსპორტო საშუალებას გადასცემს სამართავად იმ პირს, რომელიც ალკოჰოლური სიმთვრალის მდგომარეობაშია და მან ეს იცის, გამოიწვევს დაჯარიმებას 1000 ლარის ოდენობით. სატრანსპორტო საშუალების განმეორებით  გადაცემა, ერთხელ უკვე დაჯარიმების შემდგომ 1 წლის განმავლობაში, გამოიწვევს დაჯარიმებას 1500 ლარის ოდენობით.

კანონმდებლობა ითვლისწინებს აგრეთვე,ზემოთ ჩამოთვლილი ქმედებების განმეორბით ჩადენისთვის გაზრდილი ოდენობით დაჯარიმების შესაძლებლობას.აგრეთვე აღსანიშნავია,რომ იმ პირის მიერ სატრანსპორტო საშუალების მართვა ალკოჰოლური სიმთვრალის მდგომარეობაში, რომელსაც არ აქვს სატრანსპორტო საშუალების მართვის უფლება ან ეს უფლება შეჩერებული აქვს სხვა დარღვევისთვის  გამოიწვევს მის დაჯარიმებას 1000 ლარის ოდენობით.

სატრანსპორტო საშუალების სამართავად გადაცემა წინასწარი შეცნობით ნარკოტიკული ან ფსიქოტროპული სიმთვრალის მდგომარეობაში მყოფი პირისათვის გამოიწვევს დაჯარიმებას 1000 ლარის ოდენობით

პოლიციელი, რომელიც უზრუნველყოფს საგზაო მოძრაობის მონაწილეთა უსაფრთხოებას და ზედამხედველობს საგზაო მოძრაობის წესების დაცვას, ვალდებულია: სატრანსპორტო საშუალების მართვას ჩამოაშოროს პირი, რომლის მიმართაც არსებობს საკმაო საფუძველი, რომ იგი ალკოჰოლური სიმთვრალის მდგომარეობაშია; თუ დამრღვევი სადავოდ არ ხდის ალკოჰოლის მიღების ფაქტს და ამას ადასტურებს ოქმზე ხელმოწერით, ადგილზე შეუფარდოს ადმინისტრაციული სახდელი, წინააღმდეგ შემთხვევაში, ადგილზევე შეამოწმოს იგი; თუ შემოწმების შედეგად დასტურდება მძღოლის მიერ ალკოჰოლის მიღების ფაქტი, შეადგინოს ადმინისტრაციული სამართალდარღვევის ოქმი, რომელშიც აისახება ალკოჰოლური სიმთვრალის შედეგები.

სალომე დარასელია